相撲手日式放題 (已結業)

放题党又出动喇，今次要试既系"相朴手"，咁啱佢哋做紧promotion每五位送一位，我哋5个女仔即管去试试质素如何。先讲讲服务，不论接线生定侍应都好OK，而环境尚可接受，起码唔会太迫夹，但食物质素，只可以说不过不失，以下系试食结果。刺身：最ok系三文鱼、油甘鱼、带子、c鱼(即场表演，味道似油甘鱼) ；最唔ok系赤虾，因为太多沙生蚝完全无蚝味无海水味仲有沙添，试咗一碟已经无兴趣再叫天妇罗超唔掂，炸浆超厚身，大家咬咗一啖就已经放弃，不过只系放弃个皮烧物/串烧：羊架超靭一d都唔腍，我呢个羊痴咬咗一啖都要放弃，根本系橡筋！茄子干咗少少，但味道ok鸡翼ok，烧得几香都算juicy多春鱼烧得太干身好硬牛串烧系全晚最好味既，好腍好juicy好牛味，大家都encore咗一转牛舌串烧同样出色，虽然唔系厚切，但起码唔会勒，仲好好味菠萝都好味，又香又多汁，重点系唔会太大件，方便食蚝烧完出嚟变咗蚝豉，所以唔知好唔好食其他：蟹粥唔称得上蟹粥，只系味精粥上面求其放件蟹响度，完全无蟹膏同蟹味！清酒煮蚬实在太失色，无乜清酒味之余，仲要多咗好多味精味五送一后平均每人$269后记：唔会再有下次喇，食物质素整体唔ok呀！