少爺泰 (已結業)

经过见到呢间新开既泰菜人头涌涌，衬今日齐人紧系黎试下佢啦。呢间餐厅既装修同环境都好有特色，应该都系新派既泰国菜。一睇个menu，就见到有2版系教人泰文既。等野食既同时可以学下泰文，睇下笑下咁消磨时间。呢碟马拉盏炒通菜真系好香，一上枱我地记忍唔住抢黎食，食落好够味又唔会太咸，正呀。呢碗粉超大碗，应该够4，5个人食啦，佢仲要比左好多唔同既调味粉我地自己落，咁就可以岩哂自己既口味啦。呢个小食拼盘都好出色，份量够多之余，每一样野都唔马虎。我最钟意既就系个鸡翼，外面炸得脆卜卜，入面鸡肉又够嫩，简直100分呀。串烧拼算都好值得推介，佢烧既时间岩岩好，唔会太㶶而且肉又唔会咬唔烂。调味都整得好出色，点埋佢比既酱汁真系perfect match呀。呢间新派泰菜又平又好味，野食卖相又够靓，下次一定要叫埋屋企人再黎食呀。