夢 (已結業)

朋友极力推荐呢间餐厅，话啲嘢食好靓，打卡一流，又好食，庆祝生日就一于嚟试吓。前菜系京都豆乳，豆味香浓，仲用咗九州粟米造成汤汁，几香甜。然后就嚟咗一幅画，店员话系秋天特别版，好有秋意，靓到真系要慢慢欣赏下先舍得食。四款食物好精致，分别系有乌贼、南瓜鲜百合、五色米通波波同埋一件白饭鱼果冻。跟住呢道菜有啲fusion，用脆卜卜墨鱼汁西米脆米纸装住北海道牡丹虾他他，配上法国鱼子同埋牡丹虾虾膏，超级鲜味。跟住系刺身，有石雕、秋刀鱼同埋春鱼，我最钟意秋刀鱼，可能秋天当做，超级肥美甘香。呢个系分子料理，店员介绍啲泡用香格里拉松茸做嘅，下面用日本菠菜包住杂菇，系一度好精致嘅蔬菜。跟住系日本脆鳞金雕鱼，鱼皮连鱼鳞脆卜卜，鱼肉啖啖肉唔腥。配菜有法国手指萝卜、芦笋，有六款酱汁点㗎。仲有自家制嘅渍物柚子萝卜同埋莲藕。跟住饮返碗面豉汤再食埋甜品。甜品都唔马虎㗎，有冈山县晴王、芝麻柿同埋自家制黑糖mochi，食到舔舔脷。