ATUM Restaurant (已結業)

嚟到间餐厅好full，冇book位walk in嘅话就未必入到啦。男朋友带我嚟食饭两个人净系叫咗个海鲜拼盘同埋一个意粉加杯嘢饮已经好饱啊！估唔到佢咁有心思带我嚟食啲咁靓嘅嘢，氹女仔一流！上盘嘅时候仲会有人嚟同我地介绍下有啲咩材料系入边，要点样食佢，要跟个咸度由淡至咸食。𠮶日就用咗爱尔兰嘅生蚝配左啲白酒啫喱，味道好夹好Fresh!大虾好鲜甜弹牙，跟住仲有带子刺身，蟹肉，海胆，黑鱼子配鹅肝酱，同大量嘅烟三文鱼系底，所以真系好饱。但系我觉得海胆同埋烟三文鱼实在太咸啦，其他几好。本来食个海鲜拼盘食到好饱仲惊住食唔晒呢个意粉，呢个系米形意粉。但系佢辣辣地，好惹味开胃，最后都食晒左。不过个人来讲会钟意佢系意大利饭多过米形意粉。呢杯酒精饮品完全冇酒精味，唔太推荐。