Soul9+ (已結業)

呢间铺头位于北角嘅一条巷仔，私隐度极高，所以去几次都撞到几个明星喺到食饭。铺头门口仲有一张长凳可以比客人食烟，环境都算舒服，不过铺头里面好细，啲櫈同枱嘅距离好近，坐得好迫又好窄。之前朋友生日，去咗𠮶度食饭。其实呢间铺头都算好多食物可以拣，而佢个Menu有d食物名隔离会有部相机仔即系会布置得好靓，所以我哋决定，叫嘅所有食物都系有相机仔的。结果嚟到都冇令人失望，啲嘢食真系摆得好靓。其中令我最出乎意料嘅系佢个紫薯南瓜饭，真系好甜好好食，虽然冇其他食物咁靓，但系佢系最好食𠮶个值得推介！