La Famille (已結業)

同3个姊妹行完铜锣湾，行到脚攰，揾个地方坐低抖抖。其中一个姊妹提议过耀华街食cake。呢间cake shop有堂食位置，装修靓，座位舒适，餐具又靓，好适合我地影相打咭🥰呢到主打嘅戚风蛋糕，卖相精美，每款都好有特色，质感松软无比，极有弹性，食落蛋糕水润香软，一啲都唔会干身痴喉。本身一切开蛋糕见到入面有咁多忌廉，怕食完会好漏，点知入面嘅忌廉味道清甜，奶香味浓，好滑溜，感觉轻盈，食落一啲都唔觉漏！我地每人叫咗一个味道，每款都各有特色，味道天然，甜度适中。💁🏻‍♀️宇治抹茶日本柚子皇牌士多啤梨英国伯爵茶北海道忌廉芝士巴伐利亚卖相精致嘅水晶水果蛋糕，隶属外貌协会嘅我地一见到，点都要叫个嚟share。上层系花花鲜果啫喱，晶凝通透，质感Q弹，下层系慕丝蛋糕，口感creamy，一款蛋糕两种口感。