良辰吉時 (已結業)

良辰吉时并唔系第一间台湾过江龙，甚至连头几间都唔系，喺其他台湾手摇饮品店高调进驻香港嘅时候，良辰吉时仲未黎到，算系非常迟先黎到香港，宣传亦唔见得多。印象中荃湾嘅良辰吉时系佢地喺香港嘅第一间店（唔sure讲明先），比起各大台湾手摇饮品店选址铜锣湾作为第一间店，良辰吉时选址明显较输蚀，当然后来都有喺铜锣湾开店，但已经系最盛行嘅风潮过左嘅时候了。要有效咁将良辰吉时同其他台湾过江龙比较，当然要试下黑糖珍珠鲜奶。良辰吉时嘅黑糖珍珠鲜奶好明显较其他台湾过江龙逊色，饮完完全冇惊艳嘅感觉，只系好普通好普通。亦有试其他招牌嘅饮品，但唔令人印象深刻，可说是不值一提。我唔会话佢系好差嘅，但就唔系值得推介嘅店。如果阁下只想试好饮嘅珍奶/黑糖珍珠鲜奶，而唔系好似我咁想试晒所有珍奶，咁呢间基本上可以skip了。