天天烘焙 (已搬遷) 新店位置

上网见到朋友揾呢间整相片打印蛋糕，令到我都心思思想整返一个。过程简单方便，只需要透过WhatsApp同佢哋沟通， send相，payme，第二日就有得攞蛋糕啦。仲可以拣唔同味道，有忌廉蛋糕，黑森林蛋糕， Oreo蛋糕，而店员嘅态度亲切有礼貌。去到攞蛋糕当日，好surprise原来呢一间系一个非常传统嘅蛋糕店，主要都系买一啲港式嘅面包，好似鸡尾包同菠萝包咁，见到佢有自家厨房，师傅系入边专心咁整面包。而佢亦都有一系列现成嘅相片打印蛋糕卖。临近新年，舖头都见埋好多贺年食品，我都买咗笑口枣返屋企试吓。讲番个蛋糕先，蛋糕系传统港式面包舖嘅味道，欣赏佢唔系好甜，朱古力蛋糕松软，啲cream更加有黑加仑子味，有啲surprise。