嚐越 (已結業)

雙併湯麵，$60幾蚊，選了牛肉牛丸，同朋友交換左粒魚丸，先講牛肉，完全冇咩，又鞋，牛丸都係非常普通既貨色，唔好期望會彈牙同有牛味，粒魚丸直頭難食，似食麵粉頭，淋淋散散咁，仲有啲疑似紅蘿蔔碎。個湯咸但唔濃，冇層次，餸少，但麵就夠多，所以都好飽。魚餅又實又厚，睇得出係真材實料既，魚肉成分高，但可惜整得唔好味，唔惹味，又唔香口，個醬又好咸。環境係幾好，坐得舒服，裝潢modern，但食物質素要讓客人回頭就要多加努力了！