Lava Java 咖啡西餐廳 (已結業)

Kiwi我search嘢食时比呢间cafe饮品上嘅公仔吸引咗，预先订枱晚上放工就同朋友嚟食。餐厅都几大几舒服，可以用嚟开party有投影机等提供。两个人叫咗一个餐同单点一个意粉：头盘Pan fried crab cake，啖啖蟹肉，食落好香好鲜。特色芝士牛肉汉堡配薯条。长薯条热辣辣好食，汉堡几大份下，芝士加汉堡绝配，食落几juicy，如果个碟大啲方便切就更好。墨汁扁意粉配大虾。加咗啲蕃茄食落酸酸地几开胃，不过个人觉得个配搭有啲怪，食唔系好到墨汁味道。虾就大大只有开边方便食用，味道唔错。打卡饮品焦糖朱古力！系龙猫样，好得意呀！唔舍得饮。个杯size好似有啲细，不过有香浓嘅朱古力味加上少少焦糖个味道系好饮嘅。总括嚟讲都几好，环境适合倾计，嘢食唔算差，饮品仲可以打卡添，可以一试。