夏捌月 (已結業)

一间远离市中心不起眼的小餐, 早前食过都唔错, 所以相约朋友再来食饭.今次叫咗德国咸猪手($158)+蟹膏蟹肉大蘑菇意大利饭($108)主食+$20包汤和饮品. 忌廉汤好creamy而且有粒粒带子肉: 饮完汤先来个蟹膏蟹肉大蘑菇意大利饭, 眼望上去份量唔算多, 不过蟹膏肉都唔少, 先将系蘑菇面的的蟹膏和芝士捞混在share食, 入口都相当滋味每啖都有蟹膏蟹肉, 唔怪得咁多人推介, 真系唔错, 而且其他西餐呢个饭都少见; 之后再来德国咸猪手, 食完个饭都有小小饱, 好彩呢个菜配蜜糖芥末汁, 猪手肉入口都唔觉腻, 而且外皮好脆, 肉质唔太干带咸香, 配菜系炸薯角和甘荀蓉, 出奇地呢个甘荀蓉真系做得好好, 甜甜地仲好有甘荀味, 总结呢餐都有80分以上.呢到的装修都都唔错, 唯一唔好就系坐位少d, 如果想试食最好提前订位。