緣聚鮮鍋 (已結業)

今晚天气很冷！又系最啱食火锅的时候，有时成班朋友食饭，每个人想食的嘢都唔同，今次一致赞成去咗荃湾大鸿辉间缘聚食，扶手电梯上三楼、唔驶同人争升降机！入坐后先择汤底，餐厅会送上一碟靓肥牛，其余肉类、生蚝、牛百叶、水土鱿等可用手机落单，极之方便！火锅食品都好多，另外，响玲，山根，鱼皮，丸类同菜就要自己出去攞。我哋落单后，就出去攞鱼生，寿司，款式都几多，鱼生超新鲜，大虾成只手板咁大又爽口弹牙，真系唔错，仲有日式八爪鱼，螺肉，海草，萝白都好好味。热荤方面就有椒盐三文鱼头，腩非常好惹味，！薯条，薯饼，春卷，咖哩角都炸得好香脆，𫠒鱼小丸子仲好食过专门店。甜品方面就有几款西饼、果冻、啫喱、凉粉、椰果、卢荟及桃肉，当然雪糕唔少得，仲有朱古力喷泉，自己钟意点食都得。今次食饭成班朋友都好满意，话食到火锅，日式，中式同甜品，一次过满足各人胃口真的冇得输！