神戶屋日韓放題

营业中

休息中

放咗工同屋企人一齊過嚟食嘢，好唔容易夾得到，當然要搵間就腳啦，呢間係兆萬既放題店就岩哂！嚟就即刻叫個刺身食吓先啦，乜都有啲咁，仲有大大條嘅赤蝦，舖頭好貼心咁提供咗手套俾我哋勉強整污糟手嘅麻煩❤️另外我最鍾意放題嗰陣飲湯嘅，呢度冇自助湯壺自己度湯，不過撳入個QR code就見到有得落單，我就叫咗個韓國人蔘雞湯試吓，人蔘味唔係非常之重，所以飲落唔苦，感覺都幾養生。仲有唔知點解，平時唔食菜，但出到街就成日都想食菜，叫咗個炒通菜食吓，上到枱都夠熱，感覺都幾有鑊氣。我阿爸就叫咗個燒鯖魚，我冇試到嘅，佢話食落唔錯喎。最令我驚喜嘅係呢個睇落平凡唔起眼嘅南瓜天婦羅，當然係日本南瓜啦，食起上嚟幾粉而且好甜，估唔到有驚喜喎。