神戶屋日韓放題

营业中

休息中

放咗工同屋企人一齐过嚟食嘢，好唔容易夹得到，当然要揾间就脚啦，呢间系兆万既放题店就岩哂！嚟就即刻叫个刺身食吓先啦，乜都有啲咁，仲有大大条嘅赤虾，舖头好贴心咁提供咗手套俾我哋勉强整污糟手嘅麻烦❤️另外我最钟意放题𠮶阵饮汤嘅，呢度冇自助汤壶自己度汤，不过揿入个QR code就见到有得落单，我就叫咗个韩国人参鸡汤试吓，人参味唔系非常之重，所以饮落唔苦，感觉都几养生。仲有唔知点解，平时唔食菜，但出到街就成日都想食菜，叫咗个炒通菜食吓，上到枱都够热，感觉都几有镬气。我阿爸就叫咗个烧鲭鱼，我冇试到嘅，佢话食落唔错㖞。最令我惊喜嘅系呢个睇落平凡唔起眼嘅南瓜天妇罗，当然系日本南瓜啦，食起上嚟几粉而且好甜，估唔到有惊喜㖞。