滿屋日本料理 (已結業)

星期四老友又有饭局， 于是同朋友决定……相聚“满屋"。20:45食到23:15分，够哂时间食野吹水，呢间放题，我虽然食过好几次，但写食评都系第一次，虽然位处地库，但依然经常爆场，场内地方唔算大，但有好多卡位，坐得舒适，食物方面，佢依然冇令我地失望， 刺身，寿司新鲜多款，大路嘅如三文鱼，鲷鱼，甜虾等都有齐，特别嘅有北寄贝，带子（仲系鲜甜果种)，烧羊架大件多汁（间中都试过有次亁亁地），牛舌够厚入味，天妇罗即炸松化，焗蚝芝士味香浓，内里加左d洋葱同磨菇，味道同口感都好夹，铁板烧汁带子冇好似坊间嘅放题咁用d指甲咁丁丁嘅货，佢系大大只，烧汁又好好味（但唔知点解系用碟上嘅），卢笋炒桂花蚌够鲜味，份量又够，甜品有水准，洛神花玫瑰果冻，朋友话好香玫瑰味，encore再encore，同埋佢系迷你size可以试多几款，仲有每人送一杯Hagenxxx雪糕，抵赞！其余就系啤酒汽水，果汁任饮，最重要系…… 有我最钟意嘅无糖乌龙茶，(好多坊间放题都冇供应），食到禁饱，消滞消脂一流！除左食物能保持水准之外，仲有上菜快，收碟快，员工虽然忙碌，但仍然有礼貌，有效率，抵赞！当晚好友们个个都饮饱食醉，非常尽兴，更约好下