影片
更多
2018-01-25
48 浏览
次次同呢个fd出街食饭，佢都要食烤鱼，因为佢系烤鱼迷。今次佢话要试下呢间，就book左位一齐去食。呢间餐厅座位唔多，但间隔唔错，唔会坐得逼。个menu好大张，食物选择都唔少。讨论完一轮后，我地拣左店员推介的福寿鱼，因为少鱼骨，要左小辣。野饮我地拣左菊花姜蜂蜜茶同埋红桑梅蜜。菊花姜系热的，姜味好重，饮完个身好暖。朋友话佢杯红桑梅蜜都好好饮，好解渴。呢四碟前菜个名好得意，鱼情味豆芽，跳水木耳，嫩七八草同手撕包菜。跳水木耳超级好味，好正宗噶麻辣木耳。豆芽都好好味，辣辣地好开胃。等左一阵，烤鱼到左，好大盘。见到好多配料，金针菇、冬菇、洋葱、藕片都有。等左一阵，条鱼终于食得，店员好好，帮我地拆开一旧旧，方便我地夹，见到条鱼好大条，好厚肉。一试，果然好好味，而且无骨。鱼肉好厚身，都算滑，陪埋汤汁食好好味。我地两个食到停唔到口，清晒成条鱼。海鲜我地有圣子皇，海虾，花甲，同埋纽西兰托托蚬，全部都好新鲜好正。花甲只只都好肥美，而且完全无沙，圣子皇大只之余，好鲜甜，又爽口。海虾都唔错，不过略嫌细只左d。手切安格斯牛望落唔错，有牛味，又无会好鞋，食得过。黑豚腩片系其他地方食噶都好好味，所以点黎比朋友试下，但
呢间餐厅座位唔多，但间隔唔错，唔会坐得逼。
个menu好大张，食物选择都唔少。讨论完一轮后，我地拣左店员推介的福寿鱼，因为少鱼骨，要左小辣。
野饮我地拣左菊花姜蜂蜜茶同埋红桑梅蜜。菊花姜系热的，姜味好重，饮完个身好暖。朋友话佢杯红桑梅蜜都好好饮，好解渴。
呢四碟前菜个名好得意，鱼情味豆芽，跳水木耳，嫩七八草同手撕包菜。跳水木耳超级好味，好正宗噶麻辣木耳。豆芽都好好味，辣辣地好开胃。
等左一阵，烤鱼到左，好大盘。见到好多配料，金针菇、冬菇、洋葱、藕片都有。
等左一阵，条鱼终于食得，店员好好，帮我地拆开一旧旧，方便我地夹，见到条鱼好大条，好厚肉。一试，果然好好味，而且无骨。鱼肉好厚身，都算滑，陪埋汤汁食好好味。我地两个食到停唔到口，清晒成条鱼。
海鲜我地有圣子皇，海虾，花甲，同埋纽西兰托托蚬，全部都好新鲜好正。花甲只只都好肥美，而且完全无沙，圣子皇大只之余，好鲜甜，又爽口。海虾都唔错，不过略嫌细只左d。
手切安格斯牛望落唔错，有牛味，又无会好鞋，食得过。黑豚腩片系其他地方食噶都好好味，所以点黎比朋友试下，但呢个有d失望，好鞋，而且好难咬开，可能系太厚噶原因。芝士双响好好味，够香。鳕鱼汤丸朋友好中意食，话够弹牙。
蔬菜全部都系好新鲜噶，娃娃菜放落汤度，索晒d精华，好正。蘑菇都好大好甜。
张贴
