阿麥廚房 (已結業)

久违同朋友食饭，当然要上网睇下去边食野啦。而今次就走左去加路连山道既一间西餐厅食个饭晚。仲记得以前放学既时间都会路过呢一度，个阵冇咁多既餐厅，估唔到咁耐冇去呢一度居然多左好唔同菜式的餐厅。朋友最爱就系食咸猪手，所以一早就打电话book枱啦。七点到去到餐厅已经见到好多都留左枱，所以想食就记得book定枱啦。佢地既环境都唔错，坐得舒服，岩哂倾下计同食下野。每人叫左一个Dinner Set，有前菜、汤、主食同饮品，佢地既SET选择都好多大虾占米多，入面有菇、洋葱同切左粒的大虾，大虾够爽口弹牙~香煎法国鹅肝配焦糖酒醋草莓，呢个真系好有惊喜呀，鹅肝厚身，外层煎得香内里软滑，一啖入口，油分慢慢渗出来，食完真系再想食呀蟹肉南瓜忌廉汤，放入大量的蟹肉加上香浓的南瓜和忌廉，口感软绵幼滑~~黑松露菌忌廉汤，朋友就觉得黑松露好浓郁~主菜出现啦，德国式烧咸猪手，份量超多，咸猪手出到呢既时候已经切好一件件方便食用。咸猪手既外层烧到脆卜卜，肉质嫩滑而且唔会好咸。薯条炸到好香脆黑松露面包蟹意大利饭，香浓既黑松露系分开上，可以自行将黑松露放入饭捞埋一齐食。意大利饭软硬适中，每食一啖就会有满满的蟹肉。