喜遇 (已結業)

衬住周六假期，小肥带同父母一游改头换面o既利东街，中午时份就行咗入去其中一家餐店「喜遇」度食晏。餐厅正门有对新人公仔欢迎食客，极度亲民 。门外亦展示出不同时段o既餐牌以供参考。店内装修带点怀旧气味，墙上简单贴出黑白旧照。天花挂上红色吊灯。楼梯旁更可见七彩o既旧式信箱 。三人被带入一角o既卡位，餐具齐备，连大肥爸爸都觉得OK好坐。餐牌图文并茂，可见菜式大多属上海菜，我地就叫咗几款平时都有食开o既𩠌菜黎试。 灌汤小笼包（$32/四只）：热辣辣、胀卜卜o既小笼包皮薄汤足，入面o既猪肉馅又够软嫩，无可挑剔 。 锅塔豆腐（$58）：甜甜o既豆腐皮层软腍惹味，豆腐心滑溜无比，相当唔错。 秘制鸡中翼（$52/四只）：鸡翼炸得好够香脆干身，属安全之选，不过就唔系好食得出所谓秘制特色之处啰。 嫩鸡煨面（$62）：如相所示，煨面不但貌似米线，唔够软腍，而且仲水汪汪，淡茂茂 ，同细佬食开𠮶啲真系好大分别，不吃也吧！ 雪菜肉丝炒年糕（$78）：年糕烟韧富弹性，又唔会话炒到黐埋一旧旧，个芡汁稀杰适中，雪菜肉丝o既份量亦刚刚好，绝对值得推介 。周末陪伴双亲行街散步，巧遇沪菜小馆「喜遇」，三口子