氷川菓屋 (已結業)

除咗喺韩国之外，我都未喺香港食过较为好食嘅冰制甜品。港式以前𠮶啲绵绵冰，其实食落去嘅口感都系好粗糙好硬，食食下唔想食。今次经过咗山林道呢间小店，真系畀到我惊喜。 叫咗一杯蓝莓乳酪刨冰，蓝莓味唔算太浓太甜，食落啲冰真系又滑又细嫩，一啲冰粒都食唔出，而且斋食个冰唔点酱，都有一阵独特嘅甜味。 同老板倾过，原来佢哋啲冰系北海道运嚟嘅，而做法亦都跟足日本师傅做嘅一样。可见店舖老板 都下个啲苦工同对甜品好有热情执著。 呢杯刨冰唔好以为净系得一啲雪同埋啲酱，其实入面系蓝莓乳酪，而乳酪做得好滑，成杯刨冰都做得好有层次，好好味。 其实佢其他制品都做得出色，例如一杯水果茶，茶味有小小涩，再配以水果清新嘅味道，配搭出独特新鲜既茶味。 呢杯普通嘅绿茶拿铁，做到好滑好细致，绿茶味浓。呢度啲甜品，唔系净系得个甜字，令人有一食再食嘅冲动。真心希望佢地可以企稳阵脚，喺香港发扬呢款甜品。