影片
更多
2018-12-10
30 浏览
香港人一提起土耳其，一定会联想到热气球，除此之外，仲会谂起土耳其咖啡，今次黎到一间土耳其餐厅食晚餐，静静地听住土耳其歌，饮杯咖啡，融入土耳其文化。一埋位就叫左个二人餐，set 包左薯仔汤、沙律、薯条小食、蕃茄意粉，甜品，同埋两杯饮品。先介绍一下薯仔汤、沙律同小食。薯仔汤啖啖都有薯仔蓉，每饮一啖都好有嚼劲。加上少量淡忌廉点缀，令成碗汤口感带来香滑，味道更浓郁。沙律新鲜，份量多，唔同款式嘅沙律菜、萝卜都有，味道清新。小食系薄饼配薯条。薄饼味道咸咸甜甜，块皮又薄又腍。薯条有茄汁配上，薯味重，好香脆，搭上青椒同红、黄椒，呢款小食好有特色。食得越多越开胃，停唔到口。蕃茄意粉味道唔错，一上碟已经闻到香喷喷。意粉用大量肉碎烹调，牛味十足，加上香草令意粉味道提升。一碟本来平平无奇嘅蕃茄意粉，经过用心制作，出来嘅效果可以如此不一样，值得推荐。甜品系两粒用朱古力酱画上笑脸图案嘅龙须糖。以白砂糖、面粉、油三种材料制作出来嘅甜品，糖丝一般用上几千条丝，拉丝之后卷成一团而成，食落有啲似棉花糖，软绵绵。土耳其人制作个阵有时仲会加入椰丝、花生一齐食，甜甜地又易入口。餐饮嘅两杯饮品选择左土耳其咖啡同埋苹果茶。咖啡味道
一埋位就叫左个二人餐，set 包左薯仔汤、沙律、薯条小食、蕃茄意粉，甜品，同埋两杯饮品。
先介绍一下薯仔汤、沙律同小食。薯仔汤啖啖都有薯仔蓉，每饮一啖都好有嚼劲。加上少量淡忌廉点缀，令成碗汤口感带来香滑，味道更浓郁。
沙律新鲜，份量多，唔同款式嘅沙律菜、萝卜都有，味道清新。小食系薄饼配薯条。薄饼味道咸咸甜甜，块皮又薄又腍。薯条有茄汁配上，薯味重，好香脆，搭上青椒同红、黄椒，呢款小食好有特色。食得越多越开胃，停唔到口。
蕃茄意粉味道唔错，一上碟已经闻到香喷喷。意粉用大量肉碎烹调，牛味十足，加上香草令意粉味道提升。一碟本来平平无奇嘅蕃茄意粉，经过用心制作，出来嘅效果可以如此不一样，值得推荐。
甜品系两粒用朱古力酱画上笑脸图案嘅龙须糖。以白砂糖、面粉、油三种材料制作出来嘅甜品，糖丝一般用上几千条丝，拉丝之后卷成一团而成，食落有啲似棉花糖，软绵绵。土耳其人制作个阵有时仲会加入椰丝、花生一齐食，甜甜地又易入口。
餐饮嘅两杯饮品选择左土耳其咖啡同埋苹果茶。咖啡味道香浓，望住经理冲嘅过程，可以偷下师。首先用咖啡壶煮，将水、即磨咖啡粉用细火煮沸，然后问问客人需唔需要加糖，由于我地喜欢偏甜，于是决定加糖。煮沸之前一刻加入糖，将咖啡壶摊一摊凉几秒，然后再第二次加热，听讲会令咖啡味更浓郁，更香醇。唔怪得饮落好醇，一啲都唔涩口。
苹果茶系土耳其手信之一。茶亦系土耳其生活不可或缺嘅一部分。无论去到边，奉茶系土耳其都被视为好客嘅标志，所以当地人一般都好重视茶文化。由于当地人以茶道吸引游客，茶慢慢演变成唔同嘅口味，尝试生产出红茶、苹果茶、石榴茶等唔同嘅味道。今次饮嘅呢杯苹果茶味道清甜，每饮一口都闻到苹果嘅香气，啖啖清香，饮至最底完全冇渣，味道一流。
张贴
