巴蜀燒 (已結業)

去九龙城食饭，食黎食去都系泰国野，城寒风味嘅串烧小店真系第一次见，当然要试下啦。店面装修虽然唔系好古色古香，但系就有一种说不出嘅纯朴嘅典雅城寒味道，坐得都几舒服嫁。叫左几款串烧，我个人食串烧比较喜爱食蔬菜类，因为贪佢吸哂啲烧烤嘅酱汁，好香好正。烧韭菜 - 唔会烧到干哂，咬落去仲有适量嘅水份，调味唔错，唔会一味死咸，辣粉吊起左整体风味，推介。 烧翠肉瓜 - 唔会烧到太熟而搅到淋哂，不过味道就偏淡。黎到串烧舖，竟然有银针粉食 ，紧系要叫黎试下。 银针粉都系主打城寒嘅味道，虽然我就唔知城寒实际系咩味😹。碗野配料都几足嫁，有虾米、冬菇、肉碎等等，𠮶啖汤都几浓厚嘅，好鲜甜好香。而银针粉烹调得都唔错，食落爽口弹牙，唔错唔错。