Asobu Bistro (已結業)

Wuhu! 今日终于食到我好想食既日式蛋包饭啦！好开心好满足！！！话说今日早放工，特登早少少去红磡呢间细细间但迟少少就好多人排队既餐厅。好彩黎得快，如果唔系要系出边等好耐！呢间餐厅比较细，容纳唔到好多人，但系又卖紧近排最hit既蛋包饭，真系折磨死人，如果唔系早d到，我谂我要排队等起码一个钟✌🏻️叫做个套餐食，因为太肚饿啦！我既汉堡终于黎了！ 妈咪，好正呀！同我上网睇既蛋包饭画面一样，个蛋好肥美！自己用叉介开一半，d蛋就流晒出黎，火山爆发啦，好靓呀！ 遇到呢d情况梗系要趁热食！个蛋好滑呀，液体状既蛋包住入边既炒饭，我就快融化啦！好香好香！个汉堡好重一种香草既味道，配埋番茄汁，个番茄汁好鲜甜，唔会有酸味，好正啊！我仲以为番茄汁会好假，因为食过出边一d番茄汁好假好多香精味，但呢度既番茄汁好鲜甜，再加埋炒饭一齐食，呢个配搭简直系天衣无缝！估唔到细细间一间餐厅，入边既野食质数可以咁高！一定会再黎食多几转！好开心因为唔洗特登去日本食！呢度都有！✌🏻️✌🏻