影片
更多
2023-12-02
4058 浏览
寻晚小编同ex同事兼ex老细食饭聚旧、同ex同事既感情真系比之前同一间公司做更加好始终工作上容易有唔同意见但做frd我呢位ex老细真系一流！佢相识满天下、见佢喺街度都可以不停撞到熟人，真系好夸张🤣 但佢真系好高EQ好乐天好开心既一个人黎，同呢类人做朋友绝对有利提升本尊既EQ同埋感染埋我既氛围，呢类朋友绝对适宜交往😌是夜餐厅选择梗系交比佢发办啦因为佢识好多好多做饮食既朋友，佢就提议我地去呢间食因为佢自己同佢d friend都觉得呢间好好味🤤厨师亦大有来头😎好～一于睇下佢咩料先😉地点：天后酒虎诗龙 (天后)天后清风街3号地舖小编是夜order之饿鬼出笼🤣：麻辣西瓜🍉38蚊新鲜白鳝 陈皮豆豉汁 （翻左2次牌子呀呢个😋😋）128蚊一串香脆烧马友 68蚊墨鱼肉肠 绍兴酒猪肉肠68蚊红柳枝羊肉串 48蚊咸蛋烧饭团 38蚊焦糖牛油烧粟米🌽 （又系翻左2次牌子🤣）52蚊烧绣球菌 42蚊脆炸门鳝鱼皮（呢个按主厨心情免费赠送😅）烧北寄贝 218莞茜酱蛏子 好似系68蚊一只😜酱汁蛏子（即系冇莞茜酱既原味）墨鱼仔配泰式青酱 198🥃🍺酒鬼🤓费用：2杯梅酒+1杯大生啤=422（已加一）味道：见我摆白鳝为封面主角
是夜餐厅选择梗系交比佢发办啦因为佢识好多好多做饮食既朋友，佢就提议我地去呢间食因为佢自己同佢d friend都觉得呢间好好味🤤厨师亦大有来头😎好～一于睇下佢咩料先😉
地点：天后
酒虎诗龙 (天后)
天后清风街3号地舖
小编是夜order之饿鬼出笼🤣：
麻辣西瓜🍉38蚊
新鲜白鳝 陈皮豆豉汁 （翻左2次牌子呀呢个😋😋）128蚊一串
香脆烧马友 68蚊
墨鱼肉肠 绍兴酒猪肉肠68蚊
红柳枝羊肉串 48蚊
咸蛋烧饭团 38蚊
焦糖牛油烧粟米🌽 （又系翻左2次牌子🤣）52蚊
烧绣球菌 42蚊
脆炸门鳝鱼皮（呢个按主厨心情免费赠送😅）
烧北寄贝 218
莞茜酱蛏子 好似系68蚊一只😜
酱汁蛏子（即系冇莞茜酱既原味）
墨鱼仔配泰式青酱 198
🥃🍺酒鬼🤓费用：2杯梅酒+1杯大生啤=422（已加一）
味道：见我摆白鳝为封面主角就知道小编系几咁like呢个白鳝啦，皮脆肉嫩有咬口真系好好味、豆豉汁都好夹，呢个一定要食两串以上搞唔掂呀😆另外第二幅图就系小编encore既另一个项目～焦糖牛油粟米、外面洒上d粟米片真系好好味、个焦糖牛油酱好有Christmas圣诞小屋入面d糖果既味道，呢个真系好出色好出色、如果用呢d焦糖牛油酱做爆谷就完美晒😌呢两样都系下次小编must点既item。之后就到d时令海鲜，最印象深刻应该系北寄贝同蛏子，好新鲜、烹调同调味唔会令到海鲜既鲜味被盖住或影响到。但墨鱼仔小编就一般、墨鱼系爽口既但略带少少韧呢个扣分。脆马友都唔错👍🏻但冇咩wow factor不过价钱68黎讲算抵食既。至于串烧包括羊肉串、绣球菌同墨鱼肉肠水准都唔差，特别系羊肉串用红柳枝串住带出木味香气呢个系好好既idea黎、墨鱼肉肠好味但比较油腻左少少🤏、绣球菌爽口但我地食左好多重味嘢之后至食佢就觉得佢好淡要加🧂盐😂麻辣西瓜🍉系镇店前菜、西瓜好甜但个麻辣酱冇咩层次、呢个小编一般，当普通西瓜食还可以、唔好太大期望会带比味觉有咩震撼😅全晚最败笔既莫过于最后幅图就系咸蛋黄烧饭团🍙、d味真系好奇怪😳好似d药粉味咁，完全冇咸蛋黄味，d咖喱粉味好奇怪🤔夹埋一齐就好似d中药粉味道，难食到呕🤮～d饭焦好硬好难handle、一个字好x差😩
总括黎讲食物水准唔错、d食材好新鲜虽然价钱唔平但小编觉得值得既，特别系香港好多串烧店都系川式即系洒好多d味粉上去d食物度根本完全食唔到食物本身既鲜味，但呢度烹调既技巧、调味方法等等都系高水准，可以话系高质串烧店亦加入好多港式调味方法、确实冇咩餐厅可以食到，就系呢个point都已经值得奉上金钱啦、更何况知道主厨个来历之后更加觉得值！佢曾经喺8½ Otto e Mezzo BOMBANA (中环)工作过、难怪咁擅长fusion既菜式。
服务都系好好既、staff有礼貌、有效率、同好细心咁不断帮d客人换碟尤其系食海鲜既客人啦。
因为我地有饮酒所以埋单系1700元，大家可能觉得1700两个人食真系好贵，但小编觉得久唔久豪一次食下好西绝对值得，对自己好d、慰劳下自己呢个礼拜既艰辛绝不为过。
食完唔觉得好口渴、肠胃冇不适、今朝起身都系回味梗寻晚餐饭，小编真系觉得食好西真系可以令自己幸福好一段时间既😌😍
鸣谢 @kula.kwan既推荐，未黎之前以为你吹捧点知真系好好既推介、果然同小编一样系高级吃货😂
注：因为呢间餐厅主厨介绍一种叫陀地玉冰烧比我地试左1、2啖、下个post小编主力介绍呢个好物比大家！简直系烧酒天花板😎
人均：850 （含酒精） 650 （不含酒精）
Encore指数：90% （唔比100%系因为小编唔系个个friend都舍得比500以上食好西😂）
以上。
谢谢收看 ｜以上食评完全代表小编个人感受不受任何因素影响～纯粹以个人口味鉴定
烧白鳝 陈皮豆豉汁
$128
77 浏览
0 赞好
0 留言
烧白鳝陈皮豆豉汁
$128
80 浏览
0 赞好
0 留言
焦糖牛油粟米
$52
80 浏览
0 赞好
0 留言
时令菜式-烧北寄贝
$218
78 浏览
0 赞好
0 留言
麻辣西瓜
$38
67 浏览
0 赞好
0 留言
咸蛋烧饭团
$38
34 浏览
0 赞好
0 留言
张贴
