影片
更多
2018-07-08
466 浏览
中午系旺角突然想食日本野，见到番本放题做紧$178加一，同两个人平时食日本料理都系差唔多价钱，为食既我紧系拣去食放题。搭正中午12点，店内唔算好多客人，被安排坐卡位，有街景睇，坐位阔落，坐得几舒服。饮品系自己出去雪柜拎，种类都几多，由罐装汽水到支装茶饮品、纸包饮品、韩国乐天牌饮品大概十几二十款。好贴心地连热饮柜都有。另外想饮酒既话，啤酒、清酒、梅酒都有，不过就要写纸落单。刺身方面有9款刺身，叫左7款左右。分别系三文鱼、象拔蚌、白肉拖罗、赤贝、鲷鱼、带子、甜虾。刺身方面全部都算厚切。甜虾放题黎讲好大只，新鲜，多肉，唔会好似食空气咁。象拔蚌口感爽口。白肉拖罗系其他放题比较小见，食落口感软硬适中，鱼油味香浓。带子够厚肉。寿司方面叫左香葱海胆碎吞拿鱼寿司、北寄贝寿司、火炙三文鱼寿司、泰式虎虾寿司、海鳗芝士卷、芥末蜜糖三文鱼卷。寿司size唔会太大旧，岩岩好，饭都唔会太多，唔怕食完即刻饱晒。味道方面，最钟意系火炙三文鱼，入口即溶。海鳗芝士卷都好滑，芥末蜜糖三文鱼卷既配搭几特别。食完鱼生就讲下热食方面。首先叫既系人参鸡汤，暖一暖胃先。鸡汤落足料，鸡味浓，饮完会有小小人参味回甘。日式清酒煮蚬份量好多
搭正中午12点，店内唔算好多客人，被安排坐卡位，有街景睇，坐位阔落，坐得几舒服。
饮品系自己出去雪柜拎，种类都几多，由罐装汽水到支装茶饮品、纸包饮品、韩国乐天牌饮品大概十几二十款。好贴心地连热饮柜都有。另外想饮酒既话，啤酒、清酒、梅酒都有，不过就要写纸落单。
刺身方面有9款刺身，叫左7款左右。分别系三文鱼、象拔蚌、白肉拖罗、赤贝、鲷鱼、带子、甜虾。刺身方面全部都算厚切。
甜虾刺身
18 浏览
0 赞好
0 留言
象拔蚌口感爽口。
白肉拖罗系其他放题比较小见，食落口感软硬适中，鱼油味香浓。
带子够厚肉。
寿司方面叫左香葱海胆碎吞拿鱼寿司、北寄贝寿司、火炙三文鱼寿司、泰式虎虾寿司、海鳗芝士卷、芥末蜜糖三文鱼卷。寿司size唔会太大旧，岩岩好，饭都唔会太多，唔怕食完即刻饱晒。
味道方面，最钟意系火炙三文鱼，入口即溶。海鳗芝士卷都好滑，芥末蜜糖三文鱼卷既配搭几特别。
食完鱼生就讲下热食方面。
首先叫既系人参鸡汤，暖一暖胃先。鸡汤落足料，鸡味浓，饮完会有小小人参味回甘。
日式清酒煮蚬份量好多！酒味浓！味道都算鲜甜！
XO酱炒墨鱼嘴
16 浏览
0 赞好
0 留言
XO酱味好香之外，加埋洋葱一齐炒仲有d甜味，墨鱼嘴多肉，爽口。
芝士蟹子烧帆立贝
17 浏览
0 赞好
0 留言
滴滴骰骰，食落芝士味唔会太浓，d芝士口感好似蒸蛋。
盐烧牛舌、五花肉串烧
13 浏览
0 赞好
0 留言
牛舌虽然唔算好大块，但系烧得岩岩好，好爽口，配埋黑椒一齐烧系绝配啊。
盐烧黑豚肉火候都系控制得好好，表皮烤得小小脆口，不过我觉得略为咸左小小。
天妇罗
10 浏览
0 赞好
0 留言
天妇罗方面番本种类都非常多！特别d既有海鳗天妇罗、香草鱼柳天妇罗。
天妇罗d炸皮薄身，而且热辣辣。
虎虾外脆内软。鳗鱼薄身，会有淡淡鳗鱼味。香草鱼柳天妇罗既炸皮系有香草系入面。，鱼柳非常非常滑啊！入口即溶咁。感觉好似食紧fish and chips个d炸鱼。
总括黎讲，番本午餐放题选择十分多，无论系饮品、刺身、日本料理、天妇罗同埋炸物。选择都比一般放题多，而且有d特别菜式系一般放题比较小见，而且仲有酒饮tim！味道方面同份量都唔错。$178加一两个人卖单都系400蚊有找。可以食到咁多野可以话系真。番本啊！
张贴
