海宴樓 (已結業)

朕今日想食海鲜，但又唔想山长水远去西贡同香港仔，于是就去左海宴楼呢度试下，呢度系标榜本地海鲜，仲要系优质𠮶只！朕一坐低，就问店小二有咩好野推介，小二就推左个"有气矿泉水炖杏汁白肺汤"，吓有气既汤，唔系啩！当然个啲汤煲完就梗系唔会仲有气啦，不过中国人既人传统智慧，猪肺汤以形补形，饮完就补你啲气，碗汤饮落有好香既杏汁味，杏汁够哂滋润，猪肺又够补气，如果喺干燥既冬天饮就最好不过啦！饮完汤，就食啲小食啦，"脆皮烧腩仔"份量还可以，不过啲皮就唔系全部都脆卜卜！跟住就有"蒜蓉蒸本港野生鱿鱼"，朕就唔知"本港野生"同"大陆自由行来港既野生"既鱿鱼睇落有咩分别，但系呢个"蒜蓉蒸本港野生鱿鱼"食落鲜甜，咬落爽口，加埋佢地用鸳鸯，份外香口。朕食干瑶柱就食得多，新鲜既就好少食，呢个店小二推介"蒜蓉蒸西贡峇门野生车蚝"，车蚝即系新鲜瑶柱，肉身够厚又大粒，佢比干瑶柱仲多一份鲜甜味。另外"酥炸珍珠贝"，珍珠贝外皮炸得脆卜卜，咬落够厚身，不过朕始终都系觉得海鲜都系食鲜味，如果用炸始终都系浪费左呢啲咁鲜味既食材，下次试下蒜蓉蒸，应该有不一样的滋味！－－－－－完－－－－－