MOO Beef Cafe (已結業)

我地见将军澳中心开咗好多新食肆，差唔多每一间都试匀晒，唯独有一间我地长期都无去过，因为我地见佢门面装修奇怪，食物价钱唔平，同埋出面无咩人等。今日经过见佢做紧优惠，就谂住去试下啦，点知原来系一个超级大伏嚟㗎！！！首先佢假日午餐唔平，平均都100至到150蚊；但系份量就非常少，得个碟嘅一半多少少。我地叫咗个鸡胸黄姜炒饭，个饭无炒过，鸡胸无味，食完好似食咗飞机餐咁 😭。跟住原价64，优惠价28嘅半份安格斯牛三文治仲细过大家乐嘅下午茶size。最奇怪系佢嘅服务：我唔系话D侍应无礼貌，但真系好无记性，叫一样嘢要哎三次先记得，个日系星期日嘅三四点本身已经无咩人。总括嚟讲，今次嘅餐饮体验非常差，非常奇怪，希望佢地可以就住食物份量同味道，价钱同服务质素度好好改善，如果唔系我地都几难会再嚟。