影片
更多
2015-05-21
4427 浏览
IFC嘅五行我早就略有所闻，所知嘅系佢贵，位于IFC，属一风堂旗下，亦因为呢个原因，我偏偏冇乜动力去试试佢。咁啱去开IFC，就去做下上等人，食碗上等拉面。店舖门面堂皇，有吧枱，卡位，箱房选择，餐厅楼底高，有别于一般拉面馆，空间感较大。店入面充满住香葱蒜嘅香气，偶尔传黎阵阵虾香，令人流哂口水。虽然一心想食拉面，但系睇完餐牌先知间餐厅唔至拉面馆咁简单，酒水嘅种类比一般拉面馆多好多，有啤酒有cocktail，仲有雪泡啤酒添，枱上有beer pairing list 俾你参考，食拉面食到配手工啤酒都系第一次见。小食种类都唔少，有串烧，炸和牛汉堡，刺身，烧和牛，味噌豚肉都有，睇到呢度我开始觉得花多眼乱，有好几款嘢食都想试，不过今次主要系食拉面，试一两个小食就好啦。吉列和牛汉堡 -拎到黎闻到好香，免治和牛鲜嫩多汁，好有肉味之余唔会实的的。个汉堡唔蘸汁都唔觉干，但系用料可以再好啲，免治和牛里面间唔钟会有一两粒碎骨软骨，又有啲筋，分数大打折扣。串烧五点盛 -牛油果烟肉卷: 烟肉咸香配中心软绵嘅牛油果，牛油果粉丝必食。佐贺和牛串: 入口香浓，但系有啲筋。三文鱼.鱼子串: 卖相一流，但一般货色，唔够热。半
店舖门面堂皇，有吧枱，卡位，箱房选择，餐厅楼底高，有别于一般拉面馆，空间感较大。店入面充满住香葱蒜嘅香气，偶尔传黎阵阵虾香，令人流哂口水。虽然一心想食拉面，但系睇完餐牌先知间餐厅唔至拉面馆咁简单，酒水嘅种类比一般拉面馆多好多，有啤酒有cocktail，仲有雪泡啤酒添，枱上有beer pairing list 俾你参考，食拉面食到配手工啤酒都系第一次见。
雪泡啤酒 - 啤酒经过滑滑嘅雪泡送入口, 啖啖冰冻入心
$58
200 浏览
0 赞好
0 留言
小食种类都唔少，有串烧，炸和牛汉堡，刺身，烧和牛，味噌豚肉都有，睇到呢度我开始觉得花多眼乱，有好几款嘢食都想试，不过今次主要系食拉面，试一两个小食就好啦。吉列和牛汉堡 -
拎到黎闻到好香，免治和牛鲜嫩多汁，好有肉味之余唔会实的的。个汉堡唔蘸汁都唔觉干，但系用料可以再好啲，免治和牛里面间唔钟会有一两粒碎骨软骨，又有啲筋，分数大打折扣。
炸和牛汉堡
76 浏览
0 赞好
0 留言
牛油果烟肉卷: 烟肉咸香配中心软绵嘅牛油果，牛油果粉丝必食。
佐贺和牛串: 入口香浓，但系有啲筋。
三文鱼.鱼子串: 卖相一流，但一般货色，唔够热。
半熟蛋豚肉串: 冇咩好讲
牛肉寿喜烧串: 呢个唔错，仲有生蛋黄俾你蘸黎食，风味十足。
串烧五点盛(上至下): 牛油果烟肉卷, 佐贺和牛串, 三文鱼.鱼子串, 半熟蛋豚肉串, 寿喜烧牛肉串
$188
122 浏览
0 赞好
0 留言
寿喜烧牛肉串
116 浏览
0 赞好
0 留言
春日限定 清炖肉汤拉面配和牛外腿肉 - 炖肉清汤非常清甜，清爽但系又好好肉味，和牛外腿肉好冧，一啲筋都冇，味道单纯。烧蘑菇有焦香，为清淡嘅汤增点层次。面条较薄，虽然汤咁清，但系都唔会淡，每一口面都感受师傅做呢个汤嘅心血。至于响和牛肉上嘅芝士，用途似乎不大，唔觉佢对碗面或和牛有咩帮助，仲有双色芦笋对我黎讲只系点缀，系好食，都算甜，但系青白芦笋各只得半条，超鬼鼠。由于清汤油少，保温力欠奉，面食到一半就冻，冻咗就仲淡。面食完后，剩下来仲可以做茶渍饭，加入青芥辣调味，再度享受肉汤精华。呢种淡丽嘅口味，响香港嘅日式拉面确实少见，想转个口味不妨试试。
清炖肉汤拉面配和牛外腿肉
$168
63 浏览
0 赞好
0 留言
五行焦香味噌拉面 - 看上去风平浪静，一层黑油泛光，响普通嘅卖相表面下，就系热腾腾嘅拉面同有爆发性嘅汤头。我无夸张，老实讲，佢啲配料冇咩特别，而且份量少，冇咩好提。但系佢汤真系不得了，闻落去㶶㶶地，饮落去有啲㶶㶶嘅豆味，再饮真啲似豆豉味，汤头唔算厚，汤头层次丰富，系大人概口味，油润嘅程度未必为所有人接受，我却认为系鬼才。正因为佢层次多，试咗几啖都好似未试清佢完全嘅味道，要你一试再试。焦香油密密耐住热力，食到最后仲热辣辣。虽然佢咁好味，但个汤坚油，饮哂可能伤身。
五行焦香味噌拉面
$128
72 浏览
0 赞好
0 留言
整体感觉可以讲系刮目相看，意想不到。佢嘅拉面价钱高，性价比唔高，但胜在独特，有创意，佢嘅味道响第二度食唔到，估唔到一风堂都偶有佳作。
张贴
