奇樂香辣雞煲 (已結業)

弟婦生日飯，佢想食雞煲，咁就揀左奇樂香辣雞煲。地點係食肆林立既山林道，一上去裝修簡潔，地方闊落，坐得舒服。食物方面，雞煲要小辣，雞唔肥，味道ok，有花生味，芫荽同洋蔥好入味，食到最後唔知點解變左甜甜地。安格斯肥牛OK蝦滑OK手打墨丸幾好食水餃話即包，但一上枱就出水，似雪櫃攞出黎多d餐肉普通貨色黑柏業OK其他料普普通通，無特別最特別係「鬼馬油炸鬼」小食， 岩岩炸起上枱，侍應話趁熱食，咁8件我地5個人一人夾一件。其中4個人都食到炸唔熟，d蝦膠係生。同侍應反映，佢話換過碟，之後叫我地將「咬過」同埋口入面吐出黎唔熟既都放埋上碟收走。但最後佢竟然將「咬過」同未食過既翻炸俾番我地就算，邊個咬過既點分，成鍋油又溝晒大家既口水，翻炸又燶得濟。如果唔想食我地一家人既口水尾就唔好去幫襯。