深井陳記燒鵝酒家

营业中

休息中

深井烧鹅出晒名，好耐无食，一于飞车去😝我地四大两小，叫左半只烧鹅，椒盐鲜鱿，咕噜肉，豉油皇鹅肠，金沙海中虾，腊味糯米饭。一上菜，见到个碟就知中晒伏🙄烧鹅270蚊半只，好明显唔够半只，脾得四件，胸得四五件，全部骨，最齐只翼。最重要系唔好食，无肉汁，鞋爆，但已经最入得口😵椒盐鲜鱿，厚粉，咬落去林嘅🙄金沙海中虾，唔知好唔好食，因为我见到个样都唔想掂😂咕噜肉，同上🙄豉油皇鹅肠，份量细，无味，同白灼无分别🙄糯米饭，饭还饭，腊味还腊味，硬过石头，饭又一旧旧，仲要唔热嘅🙄只系感叹，曾经咁出名嘅品牌，而家垃圾成咁。。。系换左大厨定系换左老板？食左40分钟就走，坐都唔想坐，8旧水当跌左😂结论：可一不可再😏相有啲少，影都费事影。我只系普通食客，唔系恶意写成咁嘅竞争对手。大家可以自己去试。