影片
更多
2019-11-08
218 浏览
废话唔多讲今日6点几去到，见无乜人，又想食片皮鸭，所以入去试下。叫左几味𩠌，如下：1.半只片皮鸭2.椒盐九肚鱼3.赛螃蟹4.热情果笼仔虾球5.四季豆叫完𩠌，侍应姐姐话会上左片皮鸭先，因为热辣辣食先好食，食完先再上其他野俾我地，咁我都心谂几好㖞，招呼都几周到。点知讲完过左一分钟，就上左个九肚鱼俾我地先，我地呆左，不过心谂无所谓啦，咪食下九肚鱼先，无问题啦。个九肚鱼炸得几好既，热辣辣又够脆，香口好味。跟住终于上片皮鸭，个卖相都不错，但系点知包完皮一食，个皮同个鸭都系冻既。。又话热辣辣先好食既？😵食左3份2，就叫佢可以开始上埋其他𩠌，黎左个四季豆先，四季豆都热辣辣既，系普通水准，不过不失。之后黎左个热情果虾球，热情果就系炸虾球上面𠮶啲酱，酸酸甜甜配埋个虾球几开胃既，佢地炸物系还不错的。最后黎左个赛螃蟹，真心好大获，图文不符依啲真系预左，细细盘如果好食都无所谓，点知一食入口，冻既，都唔紧要，最紧要系个蛋白既质感，好似系啲蛋白加左好多生粉？定落左啲咩令到啲蛋白凝固啲咁😨总之就唔系赛螃蟹啲蛋白既质感，而且系无味既，我真系。。唔知自己食紧咩😅总括黎讲，炸既野ok，四季豆正常水准，片皮鸭失望，赛螃蟹系
今日6点几去到，见无乜人，又想食片皮鸭，所以入去试下。
叫左几味𩠌，如下：
1.半只片皮鸭
2.椒盐九肚鱼
3.赛螃蟹
4.热情果笼仔虾球
5.四季豆
叫完𩠌，侍应姐姐话会上左片皮鸭先，因为热辣辣食先好食，食完先再上其他野俾我地，咁我都心谂几好㖞，招呼都几周到。
点知讲完过左一分钟，就上左个九肚鱼俾我地先，我地呆左，不过心谂无所谓啦，咪食下九肚鱼先，无问题啦。
个九肚鱼炸得几好既，热辣辣又够脆，香口好味。
跟住终于上片皮鸭，个卖相都不错，但系点知包完皮一食，个皮同个鸭都系冻既。。又话热辣辣先好食既？😵
食左3份2，就叫佢可以开始上埋其他𩠌，黎左个四季豆先，四季豆都热辣辣既，系普通水准，不过不失。
之后黎左个热情果虾球，热情果就系炸虾球上面𠮶啲酱，酸酸甜甜配埋个虾球几开胃既，佢地炸物系还不错的。
最后黎左个赛螃蟹，真心好大获，图文不符依啲真系预左，细细盘如果好食都无所谓，点知一食入口，冻既，都唔紧要，最紧要系个蛋白既质感，好似系啲蛋白加左好多生粉？定落左啲咩令到啲蛋白凝固啲咁😨总之就唔系赛螃蟹啲蛋白既质感，而且系无味既，我真系。。唔知自己食紧咩😅
总括黎讲，炸既野ok，四季豆正常水准，片皮鸭失望，赛螃蟹系惊吓。。。
可能系我拣中依几样师父唔系最拿手？
服务态度不错的，但好难因为依个原因而回头。。。
张贴
