稻田食堂

营业中

休息中

今日去朋友屋企打牌前，喺佢屋企附近揾到呢间餐厅，集合咗日本好多个地区嘅便当，睇到都令人回忆起去日本大阪旅行嘅美好时光！叫咗富山便当，附蟹子粟米沙律和再要咗个鳕场蟹棒猪骨拉面同日式安格斯牛肩胛乌冬。上到朋友屋企一打开已经觉得非常吸引，卖上美观，而且佢嘅份量都好多。日式安格斯牛肩胛乌冬嘅份量算多，牛肩胛够遮左半个外卖碗，而且食落非常入味，牛肩胛咬落去嫩滑，唔会鞋口，仲配有粟米粒，溏心蛋同昆布，乌冬弹牙唔会太淋，好食！个鳕场蟹棒猪骨拉面，猪骨汤底够浓拉面弹牙，加埋三大条蟹棒,好有日风味！富山便当包括有吉列炸虾，味付螺肉同咖哩饭，仲有跟埋蟹籽粟米沙律，价钱先六十几蚊真系几抵。而且味道真系非常唔错，炸虾又够嫩，食落去仲系脆口，仲有高质素沙律好新鲜！个便当一个人食非常够。最后加埋咗个关西风章鱼小丸子四件同埋希灵鱼寿司两件。小丸子食落脆口，配埋个和风酱，真系大满足。朋友真系有口福，有间cp值咁高嘅餐厅系佢附近。