居廬 (已結業)

每日都番工真系番到个人好鬼大压力，放松既方法都系同朋友食下野倾下计舒缓一下紧张既情绪。朋友介绍黎到呢间CAFE，位于土瓜湾。交通都十分方便。餐厅既装修简约舒适，播住轻松既西美音乐，坐位阔落，十分合适跟朋友聊天。水牛芝士番茄沙律($76)第一次食水牛芝士，质感烟韧，柔软香滑。加上番茄爽甜，抢配得十分好。蔬菜亦十分新鲜爽脆，用黎做开胃菜真系十分适合。澳洲西冷扒配黑胡椒汁($148)好耐无食牛扒，叫左个SET DINNER 西冷扒5成熟，火喉控制十分好，肉质刚刚好5成熟，不会太熟令到似"鞋"。  肉质十分嫩滑唔会有肉渣。 黑胡椒汁十分浓郁配上牛扒更能令肉味提升不少。此外套餐既西渗十分浓郁，蔬菜味十分鲜甜，加上蒜溶包，成个套餐份量好足够。烟三文鱼红菜头意大利饭($96)红菜头令成个饭都变成红色，增加了食欲。 食落芝士味都几重。饭软硬刚刚好，唔会太烂，仍然保留嚼劲。加上烟熏得十分入味既三文鱼，令人食极都唔会腻。桂圆红枣茶($45)桂圆红枣既味道十分柔和，不加蜜糖已经好好饮。饮完再加蜜糖会令茶层次更多，女士必定喜欢既选择。