影片
更多
2008-10-15
100 浏览
上次星期六下午6时多和朋友来到，冇位......又唔知要等几耐，所以最后冇食到。一路都听讲lee间高级大排档好好食、好多人排队、好串要收服务费、用碗饮酒......寻晚同honey谂唔到食乜，行下行下，谂住撞下，睇下会唔会咁好彩有位，仲已经谂埋，如果冇位，就去隔嚟的大排档食。哈!又几好彩㖞，虽然要搭枱，但即刻有位，唔使等!!!坐低睇下佢个menu，d食物都几特别架，唔系一般大排档会有!最后，我地叫左﹕(1)醉乳鸽($75) 好有酒味，点埋酸梅汁，仲正(2)炸猪手半份($40)好脆呀，又入味，一d肥腻感觉都冇(3)卥水鸡润($55)好味、好高胆固醇呀(4)咸鱼炒苦瓜($48)估唔到咸鱼同苦瓜个味又几夹㖞，甘中带咸香，一流(5)椒盐濑尿虾($180)系贵左d，但只虾真系好大只，好甜佢地有个menu系"一分钟小食"，好好笑，写明如果肚饿，最好叫一、两碟食住先。仲有个menu写住订座时间只限几点至几点，其他时间打到死都会冇人听...好串!不过，餐饭真系食得好开心，好耐未试过咁满足，每样𩠌都咁好味。下次一定会再嚟!!!
一路都听讲lee间高级大排档好好食、好多人排队、好串要收服务费、用碗饮酒......
寻晚同honey谂唔到食乜，行下行下，谂住撞下，睇下会唔会咁好彩有位，仲已经谂埋，如果冇位，就去隔嚟的大排档食。哈!又几好彩㖞，虽然要搭枱，但即刻有位，唔使等!!!
坐低睇下佢个menu，d食物都几特别架，唔系一般大排档会有!
最后，我地叫左﹕
(1)醉乳鸽($75) 好有酒味，点埋酸梅汁，仲正
(2)炸猪手半份($40)好脆呀，又入味，一d肥腻感觉都冇
(3)卥水鸡润($55)好味、好高胆固醇呀
(4)咸鱼炒苦瓜($48)估唔到咸鱼同苦瓜个味又几夹㖞，甘中带咸香，一流
(5)椒盐濑尿虾($180)系贵左d，但只虾真系好大只，好甜
佢地有个menu系"一分钟小食"，好好笑，写明如果肚饿，最好叫一、两碟食住先。
仲有个menu写住订座时间只限几点至几点，其他时间打到死都会冇人听...好串!
不过，餐饭真系食得好开心，好耐未试过咁满足，每样𩠌都咁好味。
下次一定会再嚟!!!
张贴
