廣東名門 (青山公路-潭尾段)

营业中

休息中

不嬲有食开三圣分店，但觉得三圣越做越麻麻，除左辣酒煮花螺出色，其他都好一般，而且价钱仲收得比其他三圣食店贵。听讲(潭尾段)系总店，见openrice零负评就专登揸车过嚟试吓。浓汤鸡煲翅 - 翅系多嘅，个汤底都好饮，不过就偏咸小小干炒牛河 - 味道𝗈𝗄，不过唔够干身同碎湿湿咁卤香猪脚仔 - 正常冇特别菠萝咕噜肉- 好食，外脆内嫩，个汁酸甜度好平均，汁嘅份量亦啱啱好，食到尾都唔会浸到淋晒椒盐脆豆腐 - 外层粉浆好薄，入面豆腐好滑 鱼汤鲜腐竹浸时蔬 - 普通一个菜，正正常常胜在够大碟辣酒煮花螺 - 好失望，平时三圣好好食，佢呢度直情系难食，个螺好硬，个汁又唔够辣同香😭😭😭当晚大概8点去到人客好少，得三，四围枱，全部都系2-4人左右，唔算好忙。我哋落单本身系落炸蟹钳，佢系每件计钱，我哋order左3件，佢覆单时都有覆到，但最后黎左个椒盐脆豆腐🤷🏻‍♀️🤷🏻‍♀️不过算啦，好彩个豆腐都好食😌😌总结就系食物系OK嘅，不过真心冇特别出色，要入到咁吊脚去食值唔值得就见仁见智。