影片
更多
2014-12-28
244 浏览
26号晚同太太喺旺角行完街，经过呢间茶餐厅，见好多人帮趁，又想食煲仔饭，就入去帮趁，虽然门口有个呀伯大大声话唔好食唔收钱，但呢d嘢揾鬼信咩，但求有一定水准就收货啦！先唔讲环境差、地方迫、服务差，呢d系香港茶餐厅特色（但其实我真系希望业界改善下，话晒茶餐厅系香港特色，点解唔做好d？）我哋点左盐焗鸡饭、咸鱼肉片煲仔饭，先讲盐焗鸡饭，鸡冇鸡味，饭又一pat pat，都算喇！最精彩系个煲仔饭，d肉片居然唔熟，初时以为𠮶旧太大旧，再试另一旧细d嘅都系唔熟，就同个伙计讲，佢竟然话我食左一半，所以只肯帮我再煲熟d，其实我哋只系用碗仔分嚟食，只系食左两啖，真系即时火都嚟，好，又忍你！如果返煲ok就算！点知...返煲后嘅结果，大家睇相都见到，成煲饭只有大约一半可以食得！最好笑系个伙计，见我影相就走埋嚟，话返煲系老板意思，仲话送杯饮品比我，真系多谢晒！我当然唔会接受，费事佢话我老屈佢，况且，大佬呀，我系食唔饱，比杯饮品我做乜义嘢啫？最终谷住一肚气埋单走人，返屋企食杯面好过！都系𠮶句，做生意可唔可以用心做好d，有个朋友讲得好有道理，既然攞左成本出嚟买材料，点解唔用心做？成本又会唔多左，但人客食得开心，生意自
先唔讲环境差、地方迫、服务差，呢d系香港茶餐厅特色（但其实我真系希望业界改善下，话晒茶餐厅系香港特色，点解唔做好d？）我哋点左盐焗鸡饭、咸鱼肉片煲仔饭，先讲盐焗鸡饭，鸡冇鸡味，饭又一pat pat，都算喇！最精彩系个煲仔饭，d肉片居然唔熟，初时以为𠮶旧太大旧，再试另一旧细d嘅都系唔熟，就同个伙计讲，佢竟然话我食左一半，所以只肯帮我再煲熟d，其实我哋只系用碗仔分嚟食，只系食左两啖，真系即时火都嚟，好，又忍你！如果返煲ok就算！点知...返煲后嘅结果，大家睇相都见到，成煲饭只有大约一半可以食得！
最好笑系个伙计，见我影相就走埋嚟，话返煲系老板意思，仲话送杯饮品比我，真系多谢晒！我当然唔会接受，费事佢话我老屈佢，况且，大佬呀，我系食唔饱，比杯饮品我做乜义嘢啫？最终谷住一肚气埋单走人，返屋企食杯面好过！
都系𠮶句，做生意可唔可以用心做好d，有个朋友讲得好有道理，既然攞左成本出嚟买材料，点解唔用心做？成本又会唔多左，但人客食得开心，生意自然会好！马马虎虎，不单客人不满，更加浪费食材！
真心希望香港饮食行业用心改善，否则美食天堂好快落地狱！
张贴
