森美餐廳 (已搬遷) 新店位置

见呢间多人赞得咁紧要，早两晚放工就去试左。坦白讲，环境就真系麻麻，细都唔紧要，幅墙的木条令我谂起农场餐厅﹖其实系果下应该起身走‧餐牌亦都真系五花百门，意式云吞、法国鹅肝、港式炒公仔面都有﹖真系好有茶餐厅Feel。继续鼓起勇气，话晒咁多人食过都赞好嘛﹗重见到咁多人订台，一定唔差既﹗叫左焗长通粉同牛扒，跟手叫左心太软。坦白讲，长通粉最值得赞的地方系，用真的蟹肉，虾都煮得好，牛扒就正常一般，心太软就唔错，朱古力味浓番少少会更好。但是，点解要咁既价钱呢﹖唔值啰﹗最多最多都只系荃湾入面一间唔错既西餐厅，但系又未到每人成百几银既地步嘛﹖更加唔系其他人讲到非此不可既味道卦。除了因为同区实在太少西餐外，实在无办法解释到呢间点解会咁红。