影片
更多
2023-05-07
290 浏览
住咗喺黄埔超过10年，最初都会去吓和民嘅。后来发觉环境有少少污糟就冇再去啦⋯⋯ 呢几年疫情。咁最近见市面回复正常，就再去试吓啰。嘢食都唔特别出色㗎啦，不过真系日日出街食饭无饭家庭𠮶种就乜都试吓啰。嘢食瘟瘟沌沌不特止，服务态度又差！咁其实点解要做餐厅呢又冇服务嘢食又难食。叫咗一碗叉烧拉面，拉面最忌冇汤，咁佢又真系中咗㖞！唔明点解要用只咁细嘅碗放拉面，因为个碗太细所以又冇乜汤！咁食物质素就梗系差啦， 10分满分呢碗拉面系3分都比多佢。叫咗一碟饺子咁饺子就正常。屋企人叫咗一个牛肉石锅饭嚟到都几够热嘅，但系就有啲干冇汁的。都食咗咁多年知道佢哋会有鳗鱼汁所以就问伙计攞少少鳗鱼汁。咁呀婶婶服务员就拒绝给予鳗鱼汁，因为我哋冇叫鳗鱼。环境依旧不干净，因为佢喺地牢又不见天日，另外装修十年如一日没有翻新过。咁样？等佢换咗个厨师先再去啦
张贴