影片
更多
2017-03-31
579 浏览
每日午饭时间都会见到有好多人系意乐出面排晒队，谂住佢既午餐一定系好食又抵食先会咁多人等位，但今次去食午餐既经历实在系太失望，点都唔会再黎！一坐低就叫左两个午餐，跟餐有两碗汤，我同朋友叫左一个杂菜汤一个忌廉汤。杂菜汤一黎到既温度只系微暖，唔够热。而且个人比较钟意酸味重少少既杂菜汤，但呢碗汤味道好甜，完全无酸味，所以感觉一般。磨菇粟米忌廉汤反而唔错，入面有好多蔬菜蓉，质地杰身，同埋几浓味。鲜茄烤猪扒焗珍珠饭好快就黎到，我地平时都算食得几酸，但系都仍然觉得佢既蕃茄汁好酸，唔食得酸既朋友真系唔好叫。重点系食食下竟然发现有生猪肉，系完全粉红色未煮熟既生猪肉，真系好呕心。同侍应反映完之后，佢收起左我地碟饭，然后只系换过一块新鲜炸起既猪扒比我地。另一位貌似高级少少既侍应黎了解完之后，只系叫果位侍应拎返头先碟饭出黎比我地送块新鲜猪扒食，但系啲饭已经掂过啲生肉，仲点样食得落？最后经理都出埋黎了解情况，佢提议不如重新煮过一碟焗猪扒饭比我地，但我地已经无晒胃口，完全食唔落，佢就话送返杯野饮比我地补数。由于已经乜都食唔落，我地就求其要杯冻朱古力算。果时太嬲，到差唔多饮完杯野先记得影返。蛋黄烟肉卡邦尼长通粉既份
一坐低就叫左两个午餐，跟餐有两碗汤，我同朋友叫左一个杂菜汤一个忌廉汤。
杂菜汤一黎到既温度只系微暖，唔够热。而且个人比较钟意酸味重少少既杂菜汤，但呢碗汤味道好甜，完全无酸味，所以感觉一般。
磨菇粟米忌廉汤反而唔错，入面有好多蔬菜蓉，质地杰身，同埋几浓味。
鲜茄烤猪扒焗珍珠饭好快就黎到，我地平时都算食得几酸，但系都仍然觉得佢既蕃茄汁好酸，唔食得酸既朋友真系唔好叫。重点系食食下竟然发现有生猪肉，系完全粉红色未煮熟既生猪肉，真系好呕心。同侍应反映完之后，佢收起左我地碟饭，然后只系换过一块新鲜炸起既猪扒比我地。另一位貌似高级少少既侍应黎了解完之后，只系叫果位侍应拎返头先碟饭出黎比我地送块新鲜猪扒食，但系啲饭已经掂过啲生肉，仲点样食得落？最后经理都出埋黎了解情况，佢提议不如重新煮过一碟焗猪扒饭比我地，但我地已经无晒胃口，完全食唔落，佢就话送返杯野饮比我地补数。由于已经乜都食唔落，我地就求其要杯冻朱古力算。果时太嬲，到差唔多饮完杯野先记得影返。
蛋黄烟肉卡邦尼长通粉既份量都算多，卡邦尼汁既味道都算香浓，但可惜个汁煮得太过杰身，食落有啲干。入面好杂菌，烟肉同洋葱，都算足料。长通粉煮得啱啱好，口感弹牙唔会太过淋，算系不过不失。虽然以呢个价钱黎讲，意乐既午餐算系ok抵食，但今次食到生猪肉已经对我同朋友造成太大阴影，实在系太呕心，应该唔会再黎。食物既卫生同侍应既服务态度都有待改善！
张贴
