相馬日式火鍋 (已結業)

我要认真地俾5粒星。荃湾呢间大厦多好嘢食系人都知。但当相马未坐满人，楼下啲食店大排长龙要等，真系无天理。我要做啲嘢。简单解释，啲牛靓！最cheap个类别都靓！同样价钱，系旺角𠮶啲系合成肉，呢度真系靓肉！（夜晚有海鲜，算啦急冻野，唔挑剔佢啦，主要系食牛肉家嘛）连猪都好味！贵少少个种牛直头见到啲雪花！个酱油汤底真系汤底，系出面𠮶啲牛咩锅，试过要自己倒火锅酱油落去都无味，唔知用咩黑色嘢沟出黎。我两次去相马，个汤底同啲牛都完美结合。蔬菜任食度度都有，见过任食羽衣甘蓝未？！系任食！买一包细细都要$20啦！蔬菜选择不能尽录，出面放题啲白菜仔、菜心你食埋我𠮶份。夜晚有炸物，一般炸物都系颓架啦，食到成口粉！错！呢度个粉又薄，仲要有海苔调味！个酱系整出黎唔系沙律酱啊大佬！如果唔系因为食饱牛，我会成打成打咁叫。人少，个洗手间就干净。有几何任食个洗手间干净系咪先。个心争啲就自私，怕share左，多左人，无咁抵食。但做人，唔可以惩罚人地做得好，呢咁大段赞，系佢应得既。我去个两次仲有订座75折。