戀上台式料理

营业中

休息中

地址－恋上台式料理将军澳唐俊街21号翩汇坊地下G26号舖💋一人份辣鸡煲(配白饭)，佢呢个鸡煲上菜时有附送埋菜菜比我地(今次系生菜)，职员好贴心地提醒食到最尾可以通知佢地加水烚菜，首先讲下个鸡煲，佢份量好足，劲多件鸡，D鸡肉都唔算嚡，而且肉多，佢阵辣味都唔算太劲，唔食得辣的朋友都可以放心食，但如果食得辣的，可以拣返中辣，甚至大辣都OK，而最后佢个D生菜索满汤汁，劲正。💋牛肉拼盘，据职员所讲，原来佢个拼盘系即叫即切，所以等待时间需时，但等待绝对值得，佢D牛肉全部都唔算太薄，都几厚下，佢个牛舌真系好正，劲重牛味之余，亦都口感爽脆，临食前都扫埋佢跟的酱汁烧多阵，味道更佳。💋鹅肝柯仔鲁肉溏心蛋饭，呢个饭一睇就知正野，摆盘都几整齐，佢D鲁肉几多下，食落好浓味，配埋相对冇咁浓味的柯仔一齐食，配合得几好，佢有2块鹅肝，佢D鹅肝可以做到外脆内软的口感，劲重油脂味，令人回味。💋雪崩珍珠朱古力，一上到黎见到佢杯朱古力上面层CREAM，劲靓，朱古力味道香浓又唔会死甜，配埋珍珠口感十足，正。💋恋上水果茶，我拣左半糖，饮落几清新下，又唔会话太甜，又可以有D水果的味道，解腻一流。