火鍋郎 (已結業)

近年油尖旺开到成巷成市嘅任食火锅，个个都赶头赶命想用尽时间食最多，好似大家已经遗忘咗火锅可以慢慢食、慢慢叹嘅感觉，到最近帮衬咗一间尖沙咀新店，俾我重拾呢种慢活感觉。呢间新店开业几个月，主打日本A5靓黑毛和牛，当日叫咗个招牌花胶响螺鸡金锅配野生竹生松茸野菌锅做鸳鸯锅，呢个锅汤甜好味，汤底超推介。大家不妨落食物前，饮番两碗汤底先。话晒今次要Chill下，未食之前点咗支盛田尾张男山大吟酿720ml嚟饮，支清酒清醇、香气四溢，用嚟等上锅上菜前嘅前奏的确唔错！今次火锅目标系试试黑毛和牛，Menu上多达17种和牛部位，如果你胃大就系可以试晒，我就试咗其中4款，牛颈、三筋肉、牛肩胛肉同封门柳，封门柳系我去边度食都好，都一定点嘅部位，因为呢部份系好𡁻口又牛味浓，其余几款都好好味，会分别试到唔同厚薄、切法而不同嘅口感。今次试新店最大得著，亦系最大想分享嘅心得，就系记得唔好抱住以往「任食火锅抢食快吞军轰」心态，你就会feel到enjoy火锅嘅感觉。