八歌仙 (家樂坊) (已結業)

今晚老细极力推荐呢间，佢食过好几次都唔错，就请我哋嚟食和牛，一共5人order C餐$688和牛餐。估唔到我哋个餐有优惠超过4人食仲有75折真系好抵又好食，上菜速度唔算慢，听网上啲人话员工态度差，但我真系要同佢哋大评反，佢哋服务都好好，仲话半小时前截order,但想食都可以继续同佢哋讲帮我哋落order，佢哋都好细心，坐位都好宽敞，大家距离都好远。我哋个个挂住食，都忘记影下和牛啲相，我哋叫错咗澳洲m9，真系同和牛比较有分别,和牛真系无得输，仲有紫菜饭都好食，好食过牛×，再加上两食仲有打边捞又得，煎又得，一次过满足个胃，食到大家都好饱好满足，我觉得头盘个刺生好新鲜。带子好大粒好鲜甜。可惜只有一次食和牛真系好正够哂淋好有牛味。我哋汤底点咗番茄汤同黑蒜猪骨，2只都好够味。饮品方便我哋无加钱，只饮雪柜果啲，选择唔多，有乌龙茶，忌廉可乐，道地荔枝，另有菊花茶....好似唔系咁够冰冻，如果下次有无糖既汽水就锦上添花。最好笑原来有雪糕，我哋埋完单再出门口再研究下次食边款，我多口同门口姐姐讲如果有埋甜品选择就更加好，门口姐姐听到就话佢哋有甜品架，系每人一个雪糕球，佢好好走返入去拎返啲包装雪糕球比我哋攞