九鼎記粉麵世家

营业中

休息中

响尖东同朋友做完嘢要讲下一场，所以谂住响附近随便揾个地方叫个外卖快啲搞掂佢就算，跟住同朋友再试吓食呢间牛腩，其实之前已经试过一次佢嘅鱼面，口感有啲偏韧，有种未煮熟嘅感觉，汤亦都偏向普通，最重要系几个朋友食得我一个中奖，有只中型嘅乌蝇响入边，不过呢方面我觉得香港饮食唔会太大问题，我只系简单捞走咗去继续食落去，只不过重点味道真系比较普通。今次即管比多个机会试吓外卖牛腩牛杂饭，牛腩牛杂嘅份量一般般，只系生菜垫咗底睇落好似多啲咁。因为我唔系叫汤饭，所以佢真系冇汤嘅，不过唔紧要，但系佢都冇另外俾多少少牛汁或者其他配料，所以啲𩠌加落个饭度除咗有少少咸味之外都系觉得好淡，唔系好明白点解可以咁样就俾人食，所以基本是埋呢次之后应该都唔会再去食。