Getaway (已結業)

前排见到朋友去咗呢间峇里风餐厅打卡，仲有劲靓嘅户外位置，一早已经bookmark 定要去！今次去到发现唔止环境靓，食物质素都非常之好！餐厅虽然唔算大，但系装修得好chill好有渡假feel！最惊喜系lunch set，可以自由Mix and match，性价比好高！东南亚Fusion菜menu好有心思，唔系度度都食到，Salad 试晒软壳蟹沙律同泰式牛肉青木瓜沙律，味道清新😋Starter 嘅泰式红虾刺身，大大只好好肉，帽晒烟咁出场，绝对系打卡位！墨西哥饼泰式生菜包，冇谂过咁样配搭又唔错！Main course 好多选择，拣咗红虾意粉配龙虾汁，去亲酒店食都要成千蚊，呢度百几蚊就食到都绝对唔输蚀！蚝意大利饭好特别，个饭好香！甜品食咗牛油果芝士蛋糕，呢个配搭又几有趣，细细件刚刚好！最后当然唔少得重头戏出露台打卡，露台装修到好有峇里resort feel! 下次一定要趁凉少少嘅夜晚再去饮Cocktail！