影片
更多
2021-12-06
874 浏览
估唔到洗衣街有间咁日式嘅居酒屋，环境好日式之余，仲一直播住日本电台，好似真系去咗日本咁，而且夜晚好旺，枱枱都有叫酒饮咁滞，气氛劲好。*四色刺身*有三文鱼、吞拿鱼、油甘鱼同虾，都几新鲜，除咗虾，其他每样都有三块，而且系厚切，三文鱼够肥美，虾都几甜。*清酒生蚝 $28一只*呢度嘅生蚝会俾埋杯清酒你，你叫几多只佢就俾几杯，好似要将啲清酒倒落生蚝到浸一阵再食嘅，不过我哋唔知就直接食咗，都几鲜甜。*串烧拼盘 $138*睇中咗张相嘅串烧拼盘，有8串咁多，当中豚肉包大葱、金菇牛肉都比较好味，另外仲有鸡翼、烟肉包蕃茄、秋葵、大葱等，都几丰富。*和牛石烧 150g $218*和牛好厚切呀，150g有6片，店员会帮我哋烧，我哋要咗5成熟，以和牛嚟讲，呢个价钱真系好抵食。*highball*我哋饮咗好多杯highball，最特别系幻彩味，有盏扮紧冰嘅灯系入面，不过系咩味我哋就饮唔出啦，甜甜哋咁嘅。柠檬味原本都好适合打卡，不过咁啱𠮶晚冇晒一大串嘅柠檬，下次去再试先。
*四色刺身*
有三文鱼、吞拿鱼、油甘鱼同虾，都几新鲜，除咗虾，其他每样都有三块，而且系厚切，三文鱼够肥美，虾都几甜。
*清酒生蚝 $28一只*
呢度嘅生蚝会俾埋杯清酒你，你叫几多只佢就俾几杯，好似要将啲清酒倒落生蚝到浸一阵再食嘅，不过我哋唔知就直接食咗，都几鲜甜。
*串烧拼盘 $138*
睇中咗张相嘅串烧拼盘，有8串咁多，当中豚肉包大葱、金菇牛肉都比较好味，另外仲有鸡翼、烟肉包蕃茄、秋葵、大葱等，都几丰富。
*和牛石烧 150g $218*
和牛好厚切呀，150g有6片，店员会帮我哋烧，我哋要咗5成熟，以和牛嚟讲，呢个价钱真系好抵食。
*highball*
我哋饮咗好多杯highball，最特别系幻彩味，有盏扮紧冰嘅灯系入面，不过系咩味我哋就饮唔出啦，甜甜哋咁嘅。柠檬味原本都好适合打卡，不过咁啱𠮶晚冇晒一大串嘅柠檬，下次去再试先。
张贴
