慈素小聚

营业中

休息中

平时唔多食素，朋友介绍来一间尖沙咀话坐得舒服又好食的素食，贪新鲜过来试下。🤣餐厅系一间间细细间，似楼上café形式的大小，灯光气氛感觉好舒服，好适合同朋友约会静静地倾下偈。☺️素食的款式相当多，由中式到西式，日式到越式都有。🦆片皮鸭（$128）实在系好好奇点样做到素食片皮鸭，原来系用面筋做的，仲有黄椒、红椒同青瓜配埋一齐食。但意想不到地，点埋汁食落口个味道同口感又同真片皮鸭真系有几分似㖞，唔同你讲，可能放左入口都唔知系素🐟素食三文鱼拼盘（$68）另一个惊喜之作！原来系用蒟蒻做的，加左鼓油wasabi一齐食，又几可乱真㖞！🍄椒盐白灵芝菇（$88）必点！呢个好正，外面酥脆，内里多汁，好香口，而且酥酥咸香。🫕椰汁雪耳无花果炖汤（$48）呢个又系必点！好鲜甜，又足料，好有家的味道！🌯越南法包三明治（$88）食落好似食紧真猪肉咁，原来系新猪肉（素），加埋酸酸甜甜的萝白，同埋咸咸辣辣的酱，脆卜卜的法包，多重口感味道，好食！好少食素的我表示惊艳，因为好怕有d素食一味多酱同埋食来食去都系差唔多味同口感，呢间系多款好食，环境又舒服。