大煲皇煮廚 (已結業)

其实系第二次嚟大煲皇，果然仲keep住水准！今次打边炉叫左太公鱼头煲，汤料相当足料哦！大大嘅鱼头，仲有矜贵嘅花胶，汤底药材味好重，但汤好香好甜！开始打边炉前先品尝下个汤，真系好补哦。呢度嘅手切肥牛一定要试！不单止卖相吸引，只要放入汤中焯两焯，肉质好嫩好松化，而且牛味重，好香。生蚝大大只，新鲜！波士顿龙虾都好新鲜，不过虾肉较少，就略嫌唔够喉^_^''Order咗一只象拔蚌刺身，超超超级新鲜，肉质爽弹，肉味鲜甜，绝呀！好快就KO咗！其他嘢食都新鲜好味，而且大大碟，可以再三光顾哦！