三郎麵燒屋 (已結業)

一个人唔知食咩好，见附近呢间车仔面几特别，又高评分，心谂唔会差得去边呀。去到见到环境几特别，同一般车仔面有好大分别，仲见到大大只字写住23蚊两𩠌车仔面， 好似几抵咁。 坐低叫咗碗粗面加底加 猪红， 卤水大肠， 柱侯牛腩， 卤水鸡翼尖， 再加多个蒜蓉烧茄子我前面有三个人未有嘢食，最后我等咗15分钟左右先有个面，上餐速度一般，但最紧要系啲嘢食ok，点知一试真系几失望。 个牛腩唔够淋，而且冇乜味,牛筋就好少少； 卤水大肠亦都好唔够淋,好烟韧,味道就正常； 之后个鸡翼尖就好够淋，但完全冇味个面都好失望，煮得太淋之余面质好差。唯一最好嘅就系个猪红，味道几好。再等多十分钟左右，个烧茄子上埋。见到卖相已经一般，好细条，个样好干,一食落去真系干。虽然个茄子本身够甜，味道都算够， 但系真系几干同埋佢烧㶶咗好多，个底同边𠮶啲基本上食唔到。整体嚟讲价钱虽然唔贵但食物质素真系强差人意，应该唔会再黎试其他嘢。