丼丼屋 (已結業)

大概半年前食过好好食,今次返黎叹个下午茶记得丼丼屋既吉列系列系几好食既今次试下其他人介绍既芝士薯饼同之前食过觉得好食既汁烧牛扒丼!芝士薯饼: 呢个芝士薯饼真系好惊喜拎黎既时候卖相已经十分讨喜!明显系新鲜炸好,炸到涨卜卜,金黄色,仲好香食落去系烫口既,面包糠一小块一小块既,好松化好钟意佢入面既芝士,系结结地,又呈浆状既食落又唔觉得好腻好油 十分完美! 汁烧牛扒丼:反而呢个牛扒丼令我有小小失望,因为牛扒虽然卖相唔错, 但5成熟既牛扒好硬身下,冇上次咁好食,而且牛扒要加埋有汁既饭一齐食先够味,但其实整体都OK