影片
更多
2022-06-23
695 浏览
如果冇钱想食气氛可以去如果对质素有期望就揾过第二间叫咗好多人都comment嘅半自助晚餐：自助区：真系好一般，冇乜特别。如果本身好期待嘅，建议唔好抱太大期望🙃拎咗三样：菇嘅调味系酸嘅完全遮晒本身啲菇嘅香味；虾完全冇味；薯仔沙律算系最正常但就系普通嘅薯仔沙律🙁甜品嘅话净系拎面包布甸同埋牛奶冻就够，其他可以唔使掂。面包布甸加埋个牛奶汁好夹好重蛋香味；牛奶冻好重奶味又唔会太甜，绝对唔系平时放题食𠮶种牛奶啫喱👌🏻餐汤：「蕃茄汤」—— 有少少香草味嘅茄膏汤自问平时都算食得酸，但佢真系好酸🙈好重茄膏味，两个人都系饮咗一啖就冇饮🤷🏿Main:两个set都order咗5成熟，出到嚟三块扒都唔同熟度不过牛扒熟度问题无论系小餐厅或高级餐厅都成日听过🤷🏿建议大家睇多几个评论再决定🙂1.鸭巴甸400日谷饲牛扒•美国D.A.肉眼（408）美国D.A.肉眼系三块入面最熟，七八成熟，有牛味但唔重。口感一般，有筋😒400日谷饲牛扒系第二熟，大约五成熟，牛味浓，可惜一样系鞋同有筋2.芝士焗龙虾带子+澳洲牛柳（318）个牛柳系三块入面最生果块，切咗面头入面生到兽医都救得番，应该得一成。之所以仲食到入口系因为佢真系原全冇味
如果对质素有期望就揾过第二间
叫咗好多人都comment嘅半自助晚餐：
自助区：
真系好一般，冇乜特别。如果本身好期待嘅，建议唔好抱太大期望🙃拎咗三样：菇嘅调味系酸嘅完全遮晒本身啲菇嘅香味；虾完全冇味；薯仔沙律算系最正常但就系普通嘅薯仔沙律🙁
甜品嘅话净系拎面包布甸同埋牛奶冻就够，其他可以唔使掂。面包布甸加埋个牛奶汁好夹好重蛋香味；牛奶冻好重奶味又唔会太甜，绝对唔系平时放题食𠮶种牛奶啫喱👌🏻
餐汤：「蕃茄汤」—— 有少少香草味嘅茄膏汤
自问平时都算食得酸，但佢真系好酸🙈
好重茄膏味，两个人都系饮咗一啖就冇饮🤷🏿
Main:
两个set都order咗5成熟，出到嚟三块扒都唔同熟度
不过牛扒熟度问题无论系小餐厅或高级餐厅都成日听过🤷🏿建议大家睇多几个评论再决定🙂
1.鸭巴甸400日谷饲牛扒•美国D.A.肉眼（408）
美国D.A.肉眼系三块入面最熟，七八成熟，有牛味但唔重。口感一般，有筋😒
400日谷饲牛扒系第二熟，大约五成熟，牛味浓，可惜一样系鞋同有筋
2.芝士焗龙虾带子+澳洲牛柳（318）
个牛柳系三块入面最生果块，切咗面头入面生到兽医都救得番，应该得一成。之所以仲食到入口系因为佢真系原全冇味😂😂😂冇血腥味亦无肉味🙃
龙虾肉质弹牙，味鲜又唔腥，可惜近尾位置食到有沙😞
芝士同龙虾中间有层白汁，似鼻涕，冇乜味
带子size同味道一般，唔知点解煮到有啲烂溶溶仲要比啲鼻涕包住🙂
睇到呢度可能有人会问咁多问题点解当时唔同餐厅反映，唔知系咪因为个场唔系好满，成餐饭气氛都好好，服务态度好好，啲职员都好识睇人眼色。可能好少晚餐时间可以咁轻松咁食一餐饭，所以当下果下都唔系话好嬲😂就冇同餐厅反映🙂如果用呢个价钱净系买啲食物嘅话咁一定系唔抵🤯但计埋服务态度就算啦⋯⋯
张贴
